2019 жылдың 27 сәуірінде Нұр-Сұлтан қаласының  №27 мектеп-лицейінде Қазақстандағы жастар жылына орай жас мамандардың семинары болып өтті. Семинар тақырыбы: «Сабақтың әр кезеңінде оқытудың белсенді әдіс-тәсілдерін қолдану».

          Семинар мақсаты: №27 мектеп-лицей мұғалімдерінің педагогикалық тәжірибелерімен бөлісу.

         Семинар мектеп-директорының жастарға шығармашылық табыс тілеген жылы лебізінен басталды. Жас мамандар LESSON STUDY әдісі бойынша сабақ беріп жүрген мүғалімдердің шығармашылық тобының есеп беру көрмесіне қатысты. Мектеп мүғалімдері біріккен зерттеу сабақтарын өткізудегі жоспарлау және  тәжірибелерімен бөлісті. Аталмыш жұмыс, бірінші кезекте мұғалімдер арасындағы тәжірибе алмасу мен оқушылардың сабаққа деген ынтасын көтеруге бағытталған.

                Ашық сабақтар мен сынып сағаттарын тәжірибелі ұстаздармен қоса жас мамандар да өткізді. Педагогтар оқушылардың пәнге деген  қызығушылығын жоғарылата  алатындай іс-әрекеттерді қолданудың тиімді әдістерін көрсетті. Әрі қарай семинарға қатысушылар «Мен мұғаліммін» атты коучинг-сессияға қатысып, «Мен қандай мұғаліммін?», «Заман талабына сай мұғалім деген кім?» деген сұрақтарға жауап іздеуге тырысты. Қорытындылай келе қатысушылар алынған ақпараттардың өте тиімді екендігін атап өтті.

Чтобы оставлять комментарии авторизуйтесь